Жыйында катышуучулар Бишкектеги балдар-өспүрүмдөр жана профессионалдык спорттун өнүгүшүнүн негизги аспектилерин талкуулашты. Талкуу темаларынын арасында бюджеттик каражаттарды пландоо жана пайдалануу, ошондой эле шаардык чемпионаттарды жана республикалык, эл аралык деңгээлдеги мелдештерди уюштуруу маселелери болду.
Мындан тышкары, спорт мектептеринин ишин жакшыртууга, жогорку квалификациялуу спортчуларды даярдоого зарыл шарттарды түзүүгө жана борбордун спорт резервин мындан ары өнүктүрүүгө багытталган чаралар каралды.
Мэриянын маалыматы боюнча, учурда Бишкекте 12 адистештирилген балдар-өспүрүмдөр Олимпия резервинин мектеби иштеп жатат.
