2023-жылдын 1-мартынан баштап Египетке кирүүчү туристтик визанын баасы $25тен $30га көтөрүлөт. Бул тууралуу жергиликтүү "Cairo 24" басылмасы билдирет.
Бул өзгөртүү Каир жана Хургада эл аралык аэропорттору аркылуу өлкөгө кирген туристтерге тиешелүү болот. Шарм-эш-Шейхте эс алып жаткан адамдар үчүн 15 күндүк "Синай штампы" дагы эле акысыз, бирок бул аймактан тышкары чыгуу үчүн виза алуу талап кылынат.
Мурда жыйымдын баасын $45ке көтөрүү маселеси талкууланган, бирок Египет бийликтери бул идеядан баш тартууга чечим кабыл алышты.
Египет дагы эле ТМД өлкөлөрүнөн, анын ичинде Кыргызстандан келген саякатчылар үчүн эң көп талап кылынган туристтик багыттардын бири болуп калууда.
