Саламаттык сактоо министрлигинин маалыматына ылайык, Кыргызстанда акыркы он жылда балдардын өлүмү 73%га азайган. Бул тууралуу Саламаттык сактоо министри Дамир Осмонов ЮНИСЕФтин өлкөдөгү өкүлү Самман Джунг Тапа менен болгон жолугушууда билдирди. Министр мындай жетишкендиктер эне жана балдардын ден соолугун жакшыртуу боюнча биргелешкен аракеттердин натыйжасында мүмкүн болгонун белгиледи.
«2023-жылы биздин өнөктөштөрдүн колдоосу менен жүргүзүлгөн Көп көрсөткүчтүү изилдөөнүн маалыматына ылайык, беш жылдын ичинде беш жашка чейинки балдардын өлүм деңгээли 1000 төрөлгөн балдарга 20дан 16,5ке чейин азайган», - деп баса белгиледи Осмонов.
