Министрликтин басма сөз кызматы билдиргендей, талкууланган маселелердин күн тартибинде саламаттык сактоо тармагындагы эки тараптуу кызматташтыктын учурдагы абалы жана келечеги болду. Айрыкча, вакциналардын туруктуу жеткирүүлөрүн камсыз кылуу, сатып алуу жана бөлүштүрүү механизмдерин жакшыртуу, ошондой эле иммунизация программаларынын натыйжалуулугун жогорулатуу маселелерине басым жасалды. ЮНИСЕФ муздатуу чынжырын бекемдөөгө 80% адистештирилген жабдуулар менен камсыз кылуу боюнча маанилүү жардам көрсөтүлүп жаткандыгы тууралуу маалымат берди, ошондой эле медициналык мекемелерге вакциналарды коопсуз жеткирүү үчүн муздаткычтар жана авто пикаптардын жеткирүүлөрү тууралуу маалымат берди.
ЮНИСЕФ аркылуу жеткирилген вакциналардын сапаты жана коопсуздугу, ошондой эле сатып алуу жана логистика тармагындагы башкаруу процесстерин санариптештирүү маселелерине көңүл бурулду. Процедуралардын ачыктыгын жогорулатууга жана жеткирүүлөрдү мониторингдөө системасын бекемдөөгө жардам бере турган заманбап маалыматтык чечимдер талкууланды. Жолугушуунун катышуучулары медициналык ресурстарды убагында пландаштыруу, эсепке алуу жана көзөмөлдөө үчүн санариптик инструменттердин маанилүүлүгүн белгилешти. Темирбек Эркинов ЮНИСЕФтин 1 267 000 АКШ долларын түзгөн жалпы бюджет менен Улуттук вакциналык склад куруу пландары тууралуу маалымат алды.
Ошондой эле тараптар улуттук иммунизация системасын бекемдөө, саламаттык сактоонун туруктуулугун жогорулатуу жана калктын профилактикалык кызматтарга жеткиликтүүлүгүн камсыз кылууга багытталган программалар жана долбоорлор боюнча биргелешкен аракеттерди координациялоону талкуулашты.
Жолугушуунун жүрүшүндө өнөктөштүктү мындан ары өнүктүрүүгө болгон өз ара кызыгуулар билдирилди, анын ичинде 2026-2027-жылдарга биргелешкен иш-чаралар планынын даярдыгы. Вакциналарды сатып алуу тармагында техникалык жана эксперттик колдоону кеңейтүү, ошондой эле тажрыйба алмашуу жолдору талкууланды.
Келишимдердин жыйынтыгында тараптар конструктивдүү диалогду улантууга, кызматташтыкты бекемдөөгө жана Кыргыз Республикасында саламаттык сактоо системасын натыйжалуу иштетүүгө жана иммунизация программасын туруктуу өнүктүрүүгө багытталган инициативаларды биргелешип ишке ашырууга даярдыктарын билдиришти.
