Жаңы буйрукка ылайык, өкмөт мындан ары милдеттүү медициналык камсыздандыруу менен 85% калкты камтууну жана жашоо узактыгын 75 жылга жеткирүүнү көздөп жатат. Ошондой эле, планда 100 миң тирүү төрөлгөн балага 22 учурга чейин энелик өлүмдү азайтуу да бар.
Мындан тышкары, 5 жашка чейинки балдардын өлүмүн 1 миң балага 14 учурга чейин кыскартуу жана инфекциялык эмес оорулардан, мисалы, жүрөк-кан тамыр оорулары, рак, диабет жана хроникалык обструктивдүү өпкө ооруларынан эрте өлүмдү 30% га азайтуу каралган.
Пландын маанилүү бөлүгү калктын оорулардын алдын алуу, эрте кийлигишүү жана баштапкы медициналык-санитардык жардам кызматтарына жеткиликтүүлүгүн 70% га чейин жогорулатуу болуп саналат.
