Бул демилге 2030-жылга чейин иштеп жаткан Улуттук өнүктүрүү программасынын алкагында Министрлер Кабинети тарабынан бекитилген иш-чаралар планынын бир бөлүгү болуп саналат. Текшерүүлөр 2026-жылдын IV кварталынан 2030-жылдын IV кварталына чейин мектепке чейинки балдар жана башталгыч класстын окуучулары арасында жүргүзүлөт.
Планга ылайык, комплекстүү скринингдер өлкөнүн бардык аймактарында көрсөтүлгөн жаш курак топторундагы балдардын 90% дан кем эмесин камтышы керек. Жыйналган маалыматтардын негизинде свинец деңгээлин жана анын балдардын ден соолугуна болгон мүмкүн болгон таасирин баалаган аналитикалык отчет даярдалат.
Скрининг ар беш жылда өткөрүлөт. Программада ошондой эле кандын свинец деңгээли 5 мкг/дл ашкан балдардын үлүшүн көзөмөлдөө каралган.
Иш-чараларды каржылоо республикалык бюджеттин эсебинен жана эл аралык өнөктөштөрдүн колдоосу менен жүргүзүлөт.
