Бул мыйзам 2025-жылдын 24-декабрында Жогорку Кеңеш тарабынан бекитилген жана орто мөөнөттүү бюджеттик туруктуулукту камсыздоо жана мамлекеттик финансыларды эффективдүү башкаруу үчүн шарттарды түзүүгө багытталган.
Документке ылайык, 2026-жылга республикалык бюджеттин кирешелери 551 миллиард 207 миллион 156,1 миң сомду түзөт, ал эми чыгашалары — 550 миллиард 770 миллион 757,7 миң сомду түзөт.
Бюджеттин профицити 436 миллион 398,4 миң сом өлчөмүндө белгиленген. Бул каражаттар финансылык активдер менен операцияларды каржылоого жана мамлекеттик тышкы карыз боюнча милдеттенмелердин маанилүү бөлүгүн төлөөгө жумшалат.
