Кыргызстандын айыл чарба министрлигинин басма сөз кызматынын маалыматына ылайык, Еврокомиссия кыргыз медин экспорттоо планына макулдук берди, аны Европалык Союздун аймагына продукцияны алып кирүүгө уруксат берген техникалык регламенттин атайын тизмесине киргизди.
Бул чечим Кыргызстандагы контролдоо жана сертификаттоо системасынын Евросоюз тарабынан белгиленген стандарттарга ылайык келерин тастыктап турат.
«Еврокомиссия тарабынан кабыл алынган чечим кыргыз медин өндүрүүчүлөр үчүн жаңы мүмкүнчүлүктөрдү ачат, алардын эл аралык аренадагы атаандаштыкка жөндөмдүүлүгүн жогорулатат. Мурда кыргыз медин Европа рыногуна киргизүүгө аракеттер болгон, бирок катуу сертификаттоо талаптары экспортту ишке ашырууга мүмкүнчүлүк бербеген. Айыл чарба министрлиги Европалык Союздун рыногуна кирүүгө мүмкүнчүлүгү бар жергиликтүү продукциянын тизмесин кеңейтүү боюнча аракеттерин улантат», — деп айтылат билдирүүдө.
