2026-жылы Кыргызстан электромобилдерди алып келүүгө жеңилдиктерди берүүнү улантат, бажысыз импорттун квотасын кыйла көбөйтөт. Бул тууралуу ЕАЭС МЭК КРнын координация башкармалыгынын начальниги Элимбек Каныбек уулу «Кабар» агенттигиндеги пресс-конференцияда билдирди.
Каныбек уулу белгилегендей, быйылкы жылы бажысыз алып келүү квотасы 10 миңден 15 миңге чейин көбөйтүлгөн. Башында бул демилге ЕАЭСтин өнөктөш өлкөлөрүнүн тараптан кээ бир каршы пикирлерге туш болгон, бирок 2025-жылдын декабрь айында Евразия өкмөттөр аралык кеңешинин жыйынында бекитилген.
«Бул жеңилдик толугу менен электрдик унааларга жана катардагы гибриддик жетектелүүчү унааларга, анын ичинде популярдуу Lixiang/Li Auto модельдерине да таралат», - деп кошумчалады ал.
