6-февралда регулятор межбанкттык рынокто $109,95 миллиондук валютаны сатты. Бул сумма ичинен $65,5 миллион дароо эсептешүү боюнча, ал эми $44,45 миллион кечиктирилген эсептешүү боюнча сатылды.
Ошентип, 2026-жылдын башынан бери жалпы сатуу көлөмү $244 миллионго жетти.
Эскерте кетсек, Улуттук банктын быйылкы биринчи интервенциясы 19-январда болуп, межбанкттык рынокто $134,05 миллион сатылган.
Өткөн жылы регулятор сегиз интервенция өткөрүп, жалпы суммасы $853 миллиондук валютаны саткан. Интервенциянын алкагында сатылган эң чоң сумма $179,5 миллионду түзүп, декабрда катталган.
