ЕЭКтин Коллегиясынын төрагасы Бакытжан Сагинтаевдин айтымында, келишим күчүнө киргенден кийин, катышуучулар үчүн 367 товар категориясы боюнча бажы төлөмдөрү төмөндөтүлөт же толугу менен жоюлат.
Бул ЕАЭС жана Монголиянын бизнеси үчүн өз ара рынокторго артыкчылыктар менен кирүүгө мүмкүнчүлүк берет. Документ актуалдуу өз ара аракеттенүү форматтарын, анын ичинде санариптик чечимдерди эске алат, бул кичи жана орто ишканалар үчүн өзгөчө маанилүү.
«Монголия менен кызматташып, биз практикалык кадамдарга өтүп жатабыз. Бул келишим бизнеске багытталган жана сооданы жөнөкөйлөтүү жана арзандатууга, ишкерлер үчүн туруктуу шарттарды түзүүгө жана бизнес байланыштарын кеңейтүүгө көмөктөшөт», – деди ЕЭКтин Коллегиясынын башчысы.
2025-жылдын 27-июнунда Минскте, Жогорку Евразия экономикалык кеңешинин жыйынында ЕАЭСке мүчө мамлекеттер менен Монголиянын ортосунда Убактытуу соода келишими кол коюлду.
