Бул билдирүүгө өкмөт башчынын орун басары жана айыл чарба министри Бакыт Торобаев жооп берип, өлкөдө фермерлер жардам ала турган 186 МТС иштеп жатканын билдирди. Мындан тышкары, ал муниципалдык уюмдар техниканы төмөн пайыздык ставкалар менен лизингге сатып алууга мүмкүнчүлүк бар экенин белгиледи.
Ошондой эле депутат Жаныбек Аматов логистикалык борборлорду жана МТСтарды аймактарда ачуу маселелерин көтөрүп, сугат суусунун тарифтерин кайра карап чыгуу зарылдыгына көңүл бурду.
Жыйында Кыргыз Республикасынын Суу ресурстары, айыл чарба жана кайра иштетүү өнөр жайы министрлигинен 2026-жылдагы жазгы талаа жана чарба иштерине даярдык тууралуу маалымат берилди.
