Торобаев семинарлардын болушуна карабастан, көптөгөн фермерлердин кызыгуусу жок экенин жана бул иш-чараларга катышпаганын белгиледи. «Мен дайыма фермерлерде бардык зарыл билимдер бар деп эсептечүмүн, бирок чындыгында алар окутууга муктаж. Көпчүлүгү өнүгүүгө жана жаңы технологияларды өздөштүрүүгө умтулбайт. Ошентсе да, биз аларга колдоо көрсөтүүгө даярбыз», - деди ал.
Мындан тышкары, министр Лейлек шаарында фермерлерге жардам берүү үчүн кызмат көрсөтүү борборунун түзүлгөнү тууралуу маалымдады. Жыйында ошондой эле Кыргыз Республикасынын суу ресурстары, айыл чарба жана кайра иштетүү өнөр жайы министрлигинен 2026-жылга жазгы талаа иштерине даярдык тууралуу маалымат талкууланды.
