Бул долбоордун алкагында Сөгөт жана Кара-Төбө айылдарына ишенимдүү сугат камсыз кылуучу эффективдүү сугат системасы түзүлөт, бул региондогу суунун жетишсиздиги боюнча көп жылдан бери чечилбей келген маселени чечүүгө жардам берет.
Долбоорду ишке ашыруу боюнча демилге III Элдик курултайда делегаттардын кайрылуусунан кийин пайда болду. Жергиликтүү тургундардын суроолоруна жооп катары республикалык бюджеттен зарыл болгон каржылык каражаттар бөлүндү. 2025-жылы башталган курулуш белгиленген графикке ылайык жүргүзүлүүдө.
Долбоор 350–250 мм диаметри бар түтүктөрдөн турган 16 чакырымдык суу түтүк магистралын курууну камтыйт. Адистер "Кашка-Суу" сугат участогун куруу иштерин 2026-жылдын майына чейин аяктоону пландаштырууда, андыктан система учурдагы сугат мезгилинде иштей баштайт.
Системаны ишке киргизгенден кийин 500 гектардан ашык айыл чарба жерлери сугат суусуна кепилденген жеткиликтүүлүккө ээ боло алат. Райондук суу чарба башкармалыгы бул айыл чарба өсүмдүктөрүнүн түшүмдүүлүгүн жана жергиликтүү фермерлердин кирешелерин гана эмес, ошондой эле Аксый районунун социалдык-экономикалык өнүгүүсүнө чоң кадам болоорун белгилешет.
