Агроөнөр жайга жооптуу өкмөт башчынын орун басары Бакыт Торобаев бул маселе каралып жатканын белгиледи.
«Биз бул тармакта камсыздандыруу системасын киргизүү мүмкүнчүлүгүн изилдеп жатабыз. Бардык айыл чарба культураларын камтуу мүмкүн эмес экенин баса белгилегим келет, эң маанилүүлөрү гана киргизилет», - деп кошумчалады ал.
Ошондой эле, учурда жеке камсыздандыруу компаниялары бар экенин, бирок компенсация алуу механизми дагы иштелип чыкпаганын айтты.
Жыйында Кыргыз Республикасынын Суу ресурстары, айыл чарба жана кайра иштетүү өнөр жайы министрлигинен 2026-жылга жазгы талаа жана чарба иштерине даярдык тууралуу маалымат каралды.
