Ал эгер долбоорго болгону эки өлкө катышса, анда аны кооперациялык долбоор деп эсептөөгө болбой турганын баса белгиледи.
Ашымбеков катышуучулардын салымдарына коюлган минималдуу талаптарды да айтты. «Технологиялык салым 10%дан кем болбошу керек, ал эми инженердик кызматтар 5%дан кем болбошу керек. Бир өлкөдөн бир нече компания болушу мүмкүн», — деди ал.
Долбоорлорго кичи жана орто ишканалардын катышуусуна уруксат берилет, бирок чет өлкөлүк инвестициялардын үлүшү 50%дан ашпашы керек.
Кооперация үчүн приоритеттүү багыттарга машина куруу жана оор өнөр жай кирет, ошондой эле агроөнөр жай комплексинин эсебинен бул тизмени кеңейтүү мүмкүнчүлүгү талкууланууда.
Ашымбековдун айтымында, Кыргызстанда сырьё базасы, жумушчу күч, төмөн салык ставкалары жана өндүрүштү локализациялоо боюнча мамлекеттин колдоосу сыяктуу бир катар атаандаштык артыкчылыктар бар.
