Фучика көчөсүндө жайгашкан 12 кабаттуу турак үйдүн курулушун текшерүү мамлекеттик архитектуралык курулуш контролунун кызматкерлери тарабынан жүргүзүлдү.
Инспекция учурунда КРнын СН 12-02:2018 «Курулуш өндүрүшүн уюштуруу» нормалары жана Кыргыз Республикасынын «Шаар куруу жана архитектура жөнүндө» мыйзамы бузулганы аныкталды.
Бул бузулуулар негизинде ОсОО «Премиум Хоум» боюнча акт түзүлүп, кемчиликтерди жоюу боюнча буйрук берилди, ошондой эле протокол түзүлүп, 200 миң сом өлчөмүндө айыппул салынды.
Юстиция министрлигинин маалыматына ылайык, ОсОО «Премиум Хоум» 2019-жылы негизделген. Компаниянын негиздөөчүсү жана жетекчиси Сейдалиев Азизбек Сайназарович.
