Бул нормативдик акттын демилгечиси айыл чарба министрлиги. Өзгөртүүлөр парламентке 22-январда киргизилген.
Министрликтен маалымдашкандай, учурдагы мыйзамдарга ылайык, айыл чарба жерлеринде дары чөптөрдү өстүрүүгө тыюу салынган. Министрлик сунуштаган "дары чөптөрдүн" катарына валериана, календула, шалфей, шафран, ферула, аконит, арнебия, радиола розовая, солодка, облепиха, шиповник, барбарис, чабрец жана ромашка сыяктуу өсүмдүктөр кирет.
Мындан тышкары, аталган өсүмдүктөрдү өстүрүүнү мамлекеттик айыл чарба колдоосунун негизги багыттарынын тизмесине киргизүү сунушталууда.
