Ал ВВПнын өсүшү товардык тармактардагы өндүрүш көлөмүнүн жогорулашы, кызмат көрсөтүү тармагынын өнүгүшү жана продукциядан алынган салык түшүүлөрүнүн көбөйүшү менен байланыштуу экенин белгиледи.
Валовой ички өнүмдүн структурасында эң чоң үлүш кызмат көрсөтүүлөргө тийиштүү болуп, жалпы көлөмдүн 52,3% ын түздү. Өнөр жай 24,9% ды, айыл чарба 4% ды, ал эми курулуш 1,8% ды ээлеп турат.
2026-жылдын январь айында өнөр жай өндүрүшүнүн көлөмү 69,8 млрд сомго жетип, өткөн жылдын ушул мезгилине салыштырганда 12,7% га көбөйдү. Өнөр жайдагы көрсөткүчтөрдүн жогорулашы жыгач жана кагаз буюмдарын, полиграфия продукциясын, резинотехникалык жана пластикалык буюмдарды, курулуш материалдарын, химикаттарды, транспорт каражаттарын, тазаланган мунай продуктыларын, ошондой эле азык-түлүк жана тамеки товарларын, фармацевтикалык продукцияны жана пайдалы казындыларды өндүрүүнүн өсүшү менен байланыштуу.
2026-жылдын январь айында айыл чарба боюнча валовой продукция 14,6 млрд сомду түзүп, өткөн жылдын январь айына салыштырганда 3,5% га өстү, бул мал чарбачылыгындагы өндүрүштүн жогорулашынын натыйжасы.
Ошондой эле, курулуш боюнча валовой продукциянын көлөмү январь айында 5,6 млрд сомду түзүп, 2025-жылдын январь айындагы көрсөткүчтөрдөн 25,7% га ашып кетти.
Мындан тышкары, 2026-жылдын январь айында оптом жана бөлшөк соода жүгүртүүсү 152,1 млрд сомго жетип, өткөн жылдын ушул мезгилине салыштырганда 21% га көбөйдү.
