Анын маалыматына ылайык, тамак-аш продуктылары жана алкогольсуз ичимдиктердин баасы 1%. га өстү. Алкоголь жана тамеки буюмдарынын баасы 0,8% га жогорулады, ал эми тамак-аш эмес товарлар 0,5% га, калкка көрсөтүлгөн кызматтардын тарифтери 0,7% га кымбаттады.
Айрыкча, январь айында жаңы жашылчалар, картошка, колбаса жана башка эт консервалары, сүт, сыр жана жумуртка, ошондой эле кой эти, сиыр эти жана балык үчүн баалардын эң чоң өсүшү катталды.
Ошол эле учурда, күрүч жана ундун баасынын төмөндөшү байкалган.
Керектөө баалары жана тарифтердин өсүшү республикадагы бардык аймактарда байкалууда. Эң чоң өсүш 1,3% Баткен облусунда катталды, бул калкка көрсөтүлгөн кызматтардын тарифтеринин 2,6%. га жогорулашы менен байланыштуу.
Бишкекте тамак-аш продуктылары жана алкогольсуз ичимдиктер, ошондой эле алкоголь жана тамеки буюмдарынын баасы 1,4% га өстү. Жалал-Абад облусунда тамак-аш эмес товарлардын баасы 1,3% га жогорулады.
