Бишкектеги «Аламедин», «Орто-Сай» жана «Дордой-Дыйкан» базарларында этти оптом сатуу боюнча пункттардын иши уланууда. Сатуу эрте, саат 5:00–6:00дө башталат.
Эт азыктары сатууга чыгарылгандан мурун, милдеттүү ветеринардык көзөмөлдөн өтөт. Жеринде жайгашкан ветеринардык лабораториянын адистери эттин келип чыгышын, зарыл болгон коштоп жүрүүчү документтердин жана ветеринардык маалымкаттардын бар-жогун текшеришет, андан кийин сатууга уруксат беришет.
Ведомство бул көзөмөл чаралары жарандардын ден соолугун коргоого жана белгиленген сапат стандарттарына жооп бербеген эттин сатылышын алдын алууга багытталганын белгиледи.
