27-февралда "Ынтымак Ордо" жайгашкан жердеги республикалык жыйындын жүрүшүндө ал 2021-жылдан 2025-жылга чейин "Кумтор" ишканасынын жалпы кирешеси 440 миллиард сомдон ашарын билдирди. Мамлекеттик бюджетке 100 миллиард сомдон ашык салык жана башка милдеттүү төлөмдөр түрүндө каражат түшкөн. Ошондой эле акыркы төрт жылда мамлекет 38 миллиард сомдон ашык дивиденд алган.
Президенттин айтымында, 1994-жылдан 2021-жылга чейин Кыргызстан "Кумтор"дан 100 миллион доллардан ашык дивиденд алган.Жапаров мурда 410 тонна алтындын 1 тоннасы гана Кыргызстанга пайда алып келгенин белгилеп, азыр "Кумтор" бюджеттин ишенимдүү булагына айланып, социалдык программаларды жана инфраструктуралык долбоорлорду каржылоого көмөктөшүп жатканын айтты.
