Көргөзмөдө заманбап айыл чарба технологиялары, жогорку сапаттагы уруктар, көчөттөр, жер семирткичтер жана тамчы суу менен сугаруу системалары сунушталууда. Иш-чарага Кыргызстан, Өзбекстан, Тажикстан жана Кытайдан өндүрүүчүлөр катышууда.
Иш-чаранын программасына агрономдордун мастер-класстары, финансылык маселелер боюнча кеңеш берүү, ошондой эле көңүл ачуу иш-чаралары жана лотерея кирет.
Мэриядан билдиришкендей, көргөзмөнүн негизги максаты — дыйкандар арасында тажрыйба алмашуу, өнөктөштүк мамилелерди түзүү жана агросекторго инвестиция тартуу.
