Иш сапарынын алкагында ал бир нече фермердик чарбаларды кыдырып, мал чарбачылар жана агрардык тармактын өкүлдөрү менен жолугушуулар өткөрдү.
Бул жолугушууларда мал чарбасын өнүктүрүү жана ветеринардык коопсуздукту камсыз кылуу боюнча маанилүү аспектилер талкууланды.
«Мал чарбачылардан алынган маалыматка ылайык, акыркы жылдары малдын арасында оорулардын санынын көбөйүшү байкалууда, бул профилактикалык чараларды, убагында диагноз коюуну жана ветеринардык кызматтардын ыкчам жооп кайтаруусун күчөтүүнүн зарылдыгын көрсөтөт», — деп айтылат билдирүүдө.
Министр тиешелүү кызматтарга ветеринардык контролду күчөтүүнү, эпизоотикалык абалды туруктуу мониторингде кароону, чарбаларда профилактикалык иштерди активдештирүүнү жана мал оорулары боюнча кайрылууларга ыкчам жооп берүүнү тапшырды.
Мындан тышкары, республикалык бюджеттен биологиялык препараттарды жана лабораториялык диагностикалык комплекттерди сатып алууга каражат бөлүнгөнү тууралуу маалымат берилди.
Айыл чарба министрлиги мал ээлеринен оорулардын белгилери тууралуу ветеринардык адистерге убагында билдирүүнү жана ветеринардык кызматтын сунуштарына ылайык иш алып барууну өтүндү.
