Анын айтымында, декабрь айынын аягында традиция боюнча орус нефти кайра иштетүү заводдору өз продукциялары үчүн сезондук арзандатуу сунушташат. «Бул жылы ГСМ боюнча оптовый баалар бир аз төмөндөп, айрым компанияларга келишимдерди түзүүгө жана белгилүү көлөмдөгү отунду сатып алууга мүмкүнчүлүк берди. Бул партиялар Кыргызстанга келип түштү, жана айрым күйүүчү май бекеттеринде баалар 1 сомго же андан да көпкө төмөндөдү», — деди Эшатов.
Ал ошондой эле жаңы баалар жакынкы убакта белгиленерин кошумчалады, ошондуктан учурда өлкөдөгү отундун баасынын кийинки өзгөрүүлөрүн болжолдоо кыйын.
«Орус заводдору өз ишин кайра жандандырды. Алар сунуштаган оптовый баалардан, Кыргызстандагы бөлүштүрүү баалары кандай калыптанаары көз каранды болот», — деп түшүндүрдү ассоциациянын өкүлү.
