Учурда төмөнкү этаптар аткарылды:
- курулуш аянтына 8 км узундуктагы убактылуу кирүү жолу курулду;
- Папан суу сактагычынын чөйрөсүндө суу кабыл алуучу жайды түзүү үчүн жер тилкеси бөлүнүп берилди;
- курулуш процессинде электр энергиясын пайдалануу үчүн техникалык шарттар даярдалып, макулдашылды.
Мындан тышкары, ГЭС имараты жана 110 кВ электр энергиясын бөлүштүрүүчү жабдыкты камтыган өндүрүштүк түйүн түзүү үчүн жерлерди бөлүп берүү жана трансформациялоо процесси жүрүүдө. Папан ГЭСин "Узловая - Беш-Мойнок" линиясы менен байланыштыра турган ВЛ-110 кВ аба линиясынын опорлорун орнотуу үчүн жерлерди бөлүп берүү маселелери чечилүүдө.
Ошондой эле долбоордук-сметалык документация боюнча иштер улантылууда, курулуштун алдын ала планы аныкталды, Папан суу сактагычынын аймагына кирүү үчүн уруксат алынды, инженердик изилдөөлөр улантылууда, деп маалымдалууда.
Папан ГЭСинин капсуласын коюу аземи 2024-жылдын 5-октябрында өттү.
