Ар бир эки жыл сайын ал дагы бир жылга көбөйтүлөт
2026-жылдын 1-январынан баштап Кыргызстанда пенсия алуу үчүн минималдуу эмгек стажы беш жылдан алты жылга көтөрүлөт.
2024-жылы өлкөдө 5 жылдык минималдуу стаж белгиленген, ал толук пенсия алууга мүмкүндүк берген. Мунун алдында аялдар үчүн пенсияга чыгуу үчүн 58 жашка, эркектер үчүн 63 жашка жетүү талап кылынган, жана 20 жылдан кем эмес стаж болушу керек болчу.
Азыр болсо минималдуу стаждын акырындык менен көбөйтүлүшү башталат. Ар бир эки жыл сайын ал бир жылга жогорулайт, жана 2045-жылга чейин 20 жылга жетет деп пландалууда. Бул өзгөртүү жарандарды көбүрөөк эмгек стажын топтоого шыктандырууга багытталган.
Мындан тышкары, 2025-жылдын 1-октябрынан баштап Кыргызстанда минималдуу пенсия өлчөмү (бардык кошумчаларды кошкондо) 7 100дөн 7 500 сомго чейин болот. Индексациядан кийин орточо пенсиянын өлчөмү 11 200 сомдон ашат. Пенсиянын базалык бөлүгү 3 170 сомду түзөт, ал эми калган сумма — жалпы стажга жараша болгон камсыздандыруу бөлүгү.
Сүрөт www
