Сапар учурунда өкмөт башчыга гидроэнергетика, айыл чарба жана өнөр жай сыяктуу тармактардагы маанилүү инвестициялык долбоорлор сунушталды. Жаңы жумуш орундарын түзүү, региондорду өнүктүрүү жана атаандаштыкка жөндөмдүү экономика түзүүдө маанилүү роль ойногон кичи жана орто бизнеске болгон демилгелерге чоң көңүл бурулду.
«Улуттук инвестициялык фонд жөнүндө» мыйзамга жана УИФтин Уставына ылайык, фонддун негизги милдеттери анын курамына кирген ишканаларды башкаруунун натыйжалуулугун жогорулатуу, алардын баасын жогорулатуу жана инвестицияларды ички жана эл аралык капитал рынокторунда тартуу болуп саналат.
