Компаниянын маалыматына ылайык, Пакет-2 боюнча иштерди аткаруу үчүн башкы подрядчик катары кытайлык CNEEC (China National Electric Engineering Co. Ltd.) компаниясы тандалган.
«Эки гидроагрегат — №1 жана №2 — үчүн параллель реконструкция 2026-жылга пландалган. Бул чечим модернизация процессин тездетип, долбоордун натыйжалуулугун жогорулатууга мүмкүндүк берет. Эки агрегат үчүн даярдык иштер жана инженердик иш чаралар башталды», - деп айтылат пресс-релизде.
Гидроагрегат №2 боюнча иштер 2026-жылдын 1-февралында башталат, ал эми гидроагрегат №1 боюнча реконструкция 2026-жылдын 1-мартында пландалган.
«Азыркы учурда гидроагрегат №2 үчүн статоранын стержендерин чогултуу иштерин жүргүзүүдө, ошондой эле ротордун спицаларын чогултуу жана кемчиликтерди көзөмөлдөө иштери жүргүзүлүүдө. Гидроагрегат №1 үчүн долбоордук-техникалык даярдык дагы процесс учурунда», - деп кошумчалашты пресс-кызматтан.
2025-жылдын жыйынтыгы боюнча, реконструкциянын натыйжасында Уч-Курган ГЭСинин кубаттуулугу 18 МВт га жогорулайт, ал эми 2026-жылга чейин жалпы орнотулган кубаттуулук 36 МВт га жетет.
