Талкуунун жүрүшүндө JICAнын колдоосу менен Кыргызстанда ишке ашырылган долбоорлор каралды. Жолугушуунун катышуучулары биргелешкен иштердин алкагында калктын жашоо деңгээлин жакшыртууга багытталган бир нече узак мөөнөттүү демилгелерди ишке ашыргандыгын белгилешти.
Ушул кызматташтыктын ийгиликтүү мисалдарынын катарына «Бир айыл — бир продукт» долбоору жана Япониянын өкмөтү тарабынан сунушталган JDS стипендиялык программасы кирет.
Ошондой эле транспорт, саламаттык сактоо, энергетика жана адам ресурстарын өнүктүрүү сыяктуу тармактарда гранттык жана техникалык жардам көрсөтүү менен байланышкан долбоорлорду ишке ашыруу маселелери талкууланды.
Министрлер кабинетинин маалыматына ылайык, JICA Кыргызстанда 43 долбоорду ишке ашырган жана 2026-жылы агенттик республиканын аймагында өзүнүн өкүлчүлүгүнүн 25 жылдыгын белгилейт.
