Бул жолугушуулардын максаты Кыргызстан менен Америка Кошмо Штаттарынын ортосундагы экономикалык жана инвестициялык кызматташтыкты күчөтүү, ошондой эле экономикадагы негизги секторлордо бизнес байланыштарды кеңейтүү.
Америка тараптан катышуучулардын катарына АКШ жана Кыргызстан бизнес кеңеши, АКШнын эл аралык өнүктүрүү финансылык корпорациясы (DFC), Невада университети (Рино), Америкалык эл аралык билим берүү кеңештери, ошондой эле GE Healthcare, Pfizer, Abbott, Nasdaq, StoneX, Cove Kaz Capital Group, Mooney Group, Equion Group, All American Rail Group, Pangea-Global LLC жана TETHYS: Trans-Eurasian Gateway. сыяктуу ири эл аралык компаниялар кирет.
Сүйлөшүүлөрдүн учурунда инвестициялар, инфраструктура, саламаттыкты сактоо, билим берүү, транспорт жана логистика, финансылык рыноктор, ошондой эле заманбап технологияларды киргизүү сыяктуу кызматташтыктын негизги багыттары талкууланды. Кыргызстанда биргелешкен инвестициялык, инфраструктуралык, технологиялык жана социалдык долбоорлорду ишке ашыруу мүмкүнчүлүктөрүнө өзгөчө көңүл бурулду.
Жолугушуулардын экинчи күнү, 2026-жылдын 3-февралында, инвестициялык өз ара аракеттешүүнү өнүктүрүү жана Кыргызстан менен америкалык өнөктөштөр ортосундагы биргелешкен демилгелерди ишке ашыруу боюнча бир нече кызматташтык меморандумдарын кол коюу пландалууда.
