Иштер ар түрдүү булактардан каржыланды, каражаттын бөлүштүрүлүшү төмөнкүдөй:
- титулдук тизмеден — 328 км,
- капиталдык салымдар эсебинен — 1084,6 км,
- инвестициялык долбоорлордун алкагында — 133,2 км.
Мындан тышкары, өлкөдө 11 жаңы көпүрө ачылды.
Мамлекеттик бюджеттен каржыланган негизги долбоорлордун катарына Балыкчы–Боконбаево–Каракол, Нарын–Баетов, Ала-Бука–Жаны-Базар–Кировка, Бишкек–Ош жолунун Суусамыр бөлүгү, ошондой эле Сафаровка–Барпы жолдорунун реконструкциясы жана курулушу кирет. Ошондой эле Түндүк–Түштүк альтернативдүү трассасы боюнча беш кошумча объектте иштер жүрүп жатат. Улуттук маанидеги Барскоон–Бедель жолунун курулушу өлкөнүн ички ресурстарынын эсебинен башталды.
Бишкекте министрлик түндүк айланма көчөсүндө алты тилкелүү жолдун жана эки деңгээлдүү транспорттук түйүндөрдүн курулушун баштады, алар боюнча убактылуу өтүү ачылды.
Учурдагы инвестициялык долбоорлордун арасында Суусамыр–Талас–Тараз, Корумду–Балбай–Баатыр, Барскоон–Каракол жолдорунун курулушу, ошондой эле Бишкек–Ош жолунда 748 метр узундуктагы тоннелди куруу белгиленген, деп билдирет маалымат.
