Быйыл Кыргызстанда жол куруу тармагында маанилүү долбоорлор пландалууда, деп билдирди транспорт жана байланыш министри Абсаттар Сыргабаев. Алардын негизгиси Барскоон – Бедель – Уч-Турфан жолун куруу болот.
«Бул маршрут биздин өлкөнү Кытай менен байланыштырган үчүнчү коридор болот. Биз анын курулушун баштайбыз. Ошондой эле Балыкчы – Барскоон – Каракол автожолундагы иштерди 31-августка чейин аяктоо милдети турат. Бул үчүн болжол менен 8 миллиард сом керек. Мындан тышкары, Нарын – Баетов жолун 120 чакырым узундукта куруу пландалууда. 30 чакырымдык бөлүктө биринчи асфальт катмары төшөлгөн, жана быйыл долбоорду аяктап, пайдаланууга берүүнү үмүттөнүп жатабыз», — деп кошумчалады министр.
Мындан тышкары, Сыргабаев борбордун Түндүк айланма жолун курууга көңүл бурду.
«Бул биздин өлкөдөгү биринчи категориядагы биринчи жол болот. Ал алты тилкеден турат жана эстакадалык көпүрөлөр менен жабдылат. Негизги максат — Бишкекте тыгындарды жоюу», — деп баса белгиледи ал.
