Ал 2025-жылы кооперативдик инициативаларды колдоо механизми менен байланышкан биринчи долбоордун бекитилгенин эске салды.
ЕЭКтин маалыматына ылайык, бул долбоор жеке компьютерлер үчүн системалык блокторду өндүрүүнү камтыйт. Ишке ашырууну орус компаниясы «Бештау Электроникс» белоруссиялык «Неро Электроникс» ЖЧКсы жана кыргыз ОсОО «Кыргызэлектроника» менен кызматташып жүргүзөт.
«Кыргызэлектроника» компаниясы системалык блоктор үчүн зарыл болгон металл корпусун камсыздайт.
Экономика министрлигинен маалымдашкандай, учурда термобумага жана чектин ленталарын өндүрүүнү көбөйтүү үчүн цех куруу боюнча экинчи кооперативдик долбоор иштелип жатат.
«Өндүрүш Россиянын аймагында жайгашат, ал эми Кыргызстан курулуш кызматтарын көрсөтөт», - деп кошумчалады Насирдинов.
ЕАЭС өлкөлөрүнүн өндүрүүчүлөрү үчүн финансылык колдоо механизми кредиттер жана займдар боюнча пайыздык ставкаларды субсидиялоону камтыйт, аларды финансылык уюмдар биргелешкен долбоорлорду ишке ашыруу үчүн ЕАЭСтин бюджетинен беришет. «Бул механизмге катышуу кредиттер боюнча пайыздык ставканы 23% дан 6,5% га чейин төмөндөтүүгө мүмкүндүк берет», - деп белгиледи ЕЭК министри.
