Социалдык кызматкерлер жалгыз жашаган карыяларга, мүмкүнчүлүгү чектелген жарандарга, кыйынчылыктарга туш болгон үй-бүлөлөргө жана жубайларга колдоо көрсөтүшөт. Алар күнүмдүк көйгөйлөрдү чечүүгө жардам берип, зарыл болгон психологиялык жана социалдык колдоо көрсөтүшөт.
Ар бир социалдык кызматкер жетекчиликтин бекиткен жеке графиги боюнча, өзүнүн кардарларын жумасына кеминде эки жолу зыярат кылат. Бул, жардамга муктаж адамдарга сапаттуу кам көрүүнү жана убагында жардам көрсөтүүнү камсыз кылууга мүмкүндүк берет.
Үйдө социалдык жардам алуу үчүн, жергиликтүү өз алдынча башкаруу органдарынан же жакындарынан жана кошуналарынан жазуу жүзүндөгү кайрылуу берүү керек. Эмгек, социалдык камсыздандыруу жана миграция министрлиги социалдык кызматтарды жакшыртуу боюнча ишин улантууда, жардамдын жеткиликтүүлүгүн жана сапатын жакшыртууга умтулууда.
