"Келечек" борборуна болгон визити учурунда министр борбордун иши, тейленген кардарлардын саны жана кызматкерлердин курамы менен таанышып чыкты. Уюмдун директору текшерүү учурунда борбордон 45 адам кызмат алып жатканын, алардын 33ү бала экенин, ошондой эле стационарда 28 коштоп жүрүүчү жана күндүзкү негизде борборго келген 12 бала бар экенин маалымдады.
Визиттин жыйынтыгы боюнча министр Сагынбаев борбордун администрациясына элди уюм тарабынан берилген акысыз кызматтар тууралуу маалымдоону активдештирүүнү жана ар бир балага сапаттуу реабилитациялык жардам көрсөтүү үчүн индивидуалдуу мамиле кылууга өзгөчө көңүл бурууну тапшырды.
"Келечек". Министрликтин басма сөз кызматынын сүрөтү.
"Келечек". Министрликтин басма сөз кызматынын сүрөтү.
Андан кийин Канат Сагынбаев аялдар жана балдарды коргоо боюнча кризистик борборлордо текшерүүнү улантты, аны вице-мэр Виктория Мозгачева коштоду.
Кризистик борборлор. Министрликтин басма сөз кызматынын сүрөтү.
Министр "Аялзат" муниципалдык кризистик борборун зыярат кылды, ал үй-бүлөлүк жана гендердик зомбулукка кабылган адамдарга социалдык-психологиялык колдоо көрсөтөт. Борбордун жетекчилигинин маалыматына ылайык, 2024-2025-жылдары 96 аялга жана 185 балага жардам көрсөтүлгөн. Борбор убактылуу башпаанек, психологиялык колдоо, социалдык коштоп берүү, юридикалык кеңештерди сунуштап, жабыркагандарды атайын кызматтарга багыттап, аялдар менен балдардын укуктарын коргоо жана коопсуздугун камсыз кылат.
Министр ошондой эле сексуалдык зомбулукка жана адам соодасына кабылган адамдарга комплексдүү жардам көрсөтүүчү "Бирдиктүү терезе" борборун зыярат кылды, ал психологиялык, медициналык, социалдык жана юридикалык колдоо көрсөтөт, коопсуз жана купуя шартта.
Канат Сагынбаев кризистик борборлордун тармагын колдоо жана өнүктүрүү аялдар менен балдардын укуктарын коргоо жана зомбулуктун алдын алуу боюнча мамлекеттик саясаттын негизги аспектилери экенин белгиледи.
