Данилбековдун айтымында, эң маанилүү долбоорлордун бири Төө-Ашуу ашуусундагы жаңы «Келечек» туннелинин курулушу болду. Бул долбоорго болгон инвестициялар $640 млн жетет, учурда долбоорлоо жана даярдык иштеринин үстүндө иш жүрүп жатат.
«Туннель дуалдык системаны колдонуу жана заманбап инженердик чечимдер менен айырмаланат. Анын узундугу 11 кмден ашат», - деди ал.
Данилбеков ошондой эле бул долбоордун ишке ашырылышы транспорттун коопсуз жана үзгүлтүксүз кыймылын камсыз кыларын, айрыкча кышкы мезгилде жана жаман аба ырайында маанилүү экенин белгиледи. Жаңы туннелдин жардамы менен унаалар ашуунун эң бийик жерин айланып өтө алышат, бул региондун транспорттук жеткиликтүүлүгүн кыйла жакшыртат.
