Ибраев Камбар-Ата ГЭС-2деги экинчи гидроагрегаттын курулушу улантылып жатканын белгиледи.
«Азыркы учурда Камбар-Ата ГЭС-1дин долбоорун даярдоо иштери жүргүзүлүүдө. Бул керектүү инфраструктуралык объектилерди куруу жана техникалык-экономикалык негиздемени жаңыртуу иштерин камтыйт, бул иштер Дүйнөлүк банк тарабынан колдоого алынып жатат», - деп кошумчалады министр.
Анын маалыматына ылайык, күн жана шамал электр станцияларын куруу боюнча 15 кол коюлган инвестициялык келишимдин ичинен 5 инвестор өз долбоорлорун ишке ашырууга киришти.
«Мындан тышкары, калктуу конуштардын газдаштырылышын кеңейтүү, инфраструктураны модернизациялоо жана жеңилдетилген туташуу программаларын ишке киргизүү боюнча иштер улантылууда», - деп баса белгиледи Ибраев.
