Банк аналитиктери аймактын ыңгайлуу өнүгүшүн камсыз кылуу үчүн энергияны үнөмдөө, мобилдүүлүк жана суу ресурстарын башкаруу тармагында олуттуу жакшыртууларды жүргүзүүнүн зарылдыгын белгилешет.
Подгузов экономиканы терс таасир эткен географиялык өзгөчөлүктөргө көңүл бурду: Борбордук Азия океан портторунан 3000 кмден ашык аралыкта жайгашкан.
«Бул соода баасын 20-40% га жогорулатат, бул өз кезегинде экономикадагы жылдык өсүүнүн 1,5 пайыздык пунктун жоготууга алып келет. Ошентип, "аралык салыгы" деген түшүнүк пайда болот», - деди ал.
Подгузовдун пикири боюнча, бул маселени чечүүнүн жалгыз жолу транспорттук байланыштарды жакшыртуу.
«Учурда негизги транспорттук маршруттар чыгыштан батышка карай багытталган. Бирок түндүк-түштүк багыттары жана Трансафган коридорунун мүмкүнчүлүктөрү да чоң мааниге ээ. Бул маршруттар Түштүк Азия жана Перс булуңунун базарларына жетүүнү ачышы мүмкүн», - деп кошумчалады ал.
ЕАБРдин маалыматына ылайык, Борбордук Азия дүйнөдөгү эң динамикалуу өнүгүп жаткан региондордун бири болуп саналат жана 2026-жылга карата беш өлкөнүн жыйынды ИДПсы $600 млрд. га жетиши мүмкүн.
