2026-жылы Нарын облусунда 10/0,4 кВ чыңалуудагы СИП-2 жана СИП-3 кабелдерин 66,36 км узундукта орнотуу жана реконструкциялоо башталат, деп билдирет Энергетика министрлиги.
СИП кабелдерин реконструкциялоо жана жаңы кабелдерди орнотуу төмөнкү райондордо жүргүзүлөт:
- Ат-Баши району — 14 км
- Ак-Тала району — 6,8 км
- Кочкор району — 14,5 км
- Жумгал району — 6,5 км
- Тогуз-Торуй району — 7,6 км
- Нарын району — 16,9 км
Бул иштердин каржылануусу "Кыргызстандын Улуттук электр тармагы" акционердик коомунун тарабынан камсыздалат жана Нарын облусунда апрель айынан октябрь айынын аягына чейин аякталуу пландалууда.
СИП кабелдерин колдонуу электр тармактарынын ишенимдүүлүгүн кыйла жакшыртат. Бул кабелдер аба ырайынын таасирине жогорку туруктуулукка ээ, электр энергиясынын жоготууларын азайтууга, авариялык өчүрүүлөрдүн санын кыскартууга жана эксплуатациялык чыгымдарды азайтууга жардам берет. Мындан тышкары, СИП кабелдерин колдонуу коопсуздукту жогорулатат жана электр камсыздоону жашоочулар үчүн туруктуу жана ыңгайлуу кылат.
Пландалган иштер Нарын электр тармактарынын күз-кыш мезгилине даярдыгын камсыздоого, ошондой эле электр тармактарынын ишенимдүүлүгүн күчөтүүгө жана калкты туруктуу электр энергиясы менен камсыздоого багытталган.
Электр камсыздоосу боюнча кошумча маалымат алуу үчүн "НЭСК" акционердик коомунун 24 сааттык колл-борборуна төмөнкү телефон номерлери аркылуу кайрылсаңыздар болот:
105 (телефон чалуу акысыз)
+996 772 001209, +996 556 001209
WhatsApp: +996 702 001209
