Бул демилгени Минтранс баштап, бизнес менен мамлекеттик органдар ортосунда конструктивдүү диалог үчүн платформа катары Деловой кеңешти түзүүгө умтулууда.
Жолугушууда белгиленгендей, бул долбоордун максаты ички жүк ташуучулар үчүн ыңгайлуу шарттарды түзүү, алардын кызыкчылыктарын коргоо жана эл аралык кызматташтык чөйрөсүндө чечимдерди кабыл алууда бизнес өкүлдөрүнүн пикирлерин эске алуу болуп саналат. Жолугушууга катышуучулар кыргыз жүк ташуучуларынын эл аралык жүк ташуу процессинде туш болгон актуалдуу маселелерин жана эл аралык аренада сунуштарды даярдоонун мүмкүн болгон жолдорун талкуулашты.
Бизнес коомчулугунун өкүлдөрү Деловой кеңешти түзүүгө кызыгуусун билдиришти жана мындай туруктуу платформа тармактагы өзгөчө маселелерди талкуулоо жана биргелешкен чечимдерди иштеп чыгуу үчүн зарыл экенин белгилешти.
Деловой кеңешти түзүү мамлекеттик органдар менен бизнес ортосунда системалуу өз ара аракеттешүүнү орнотууга багытталган кадам болуп, административдик тоскоолдуктарды азайтууга жана улуттук транспорттук компаниялардын атаандаштыкка жөндөмдүүлүгүн күчөтүүгө жардам берет.
