Жыйын учурунда катышуучулар курулуш тармагынын жана жер мамилелеринин өнүгүшүнө байланыштуу актуалдуу маселелерди талкуулашты.
Талкуунун негизги учурларынын бири мурунку убакта көп кабаттуу үйлөрдү долбоорлоо жана куруу үчүн убактылуу пайдаланууга берилген муниципалдык жер участкаларынын укуктарын сатып алуу тартиби болду. Катышуучулар бул маселеге бизнес жана жергиликтүү өз алдынча башкаруу органдарынын кызыкчылыктарын эске алуу менен системалуу мамиле кылуунун зарылдыгын белгилешти.
Жыйналыштын натыйжасында Бишкек шаардык мэриясына профессионалдык коомчулуктун бириккен позициясын билдирген расмий кайрылуу даярдоо чечими кабыл алынды.
Мындан тышкары, тараптар курулуш демилгелерин ишке ашыруу боюнча ТПП КРнын курулуш боюнча комитети менен «КР куруучуларынын союз» коомдук бирикмеси ортосундагы аракеттерди координациялоо жана өз ара аракеттенүү боюнча кызматташтык меморандумуна кол коюшту.
