Жолугушуунун жүрүшүндө стратегиялык өнөктөштүктүн мүмкүнчүлүктөрү, анын ичинде аба флотун модернизациялоо, Эл аралык граждандык авиация уюмунун (ICAO) жана Европалык авиация коопсуздугу агенттигинин (EASA) тараптан боло турган текшерүүлөргө даярдык, ошондой эле Кыргызстандагы граждандык авиациянын кадрдык потенциалын жана инфраструктурасын өнүктүрүү маселелери талкууланды.
Негизги темаларга аба кемелерин лизингге берүү, техникалык тейлөө жана оңдоо (MRO) секторун өнүктүрүү, жүк авиациясы, ошондой эле аба кыймылын башкаруу системасын (ATC) жакшыртуу жана маршруттарды кеңейтүү кирди.
Airbus өкүлдөрү авиация кадрларын даярдоо жана тренажерлор үчүн окуу базасын өнүктүрүү жаатында колдоо көрсөтүүнү улантууга даяр экендиктерин тастыкташты.
