Переговорлордун жүрүшүндө электромобилдер үчүн инфраструктураны өнүктүрүүгө жана Кыргызстандагы энергетика секторунда жаңы технологияларды колдонууга көңүл бурулду.
Компания 2026-жылдын июль айына чейин электромобилдер үчүн 300 заряддык станцияларды орнотууну пландаштырууда. «Blue Networks» өкүлдөрү Түштүк Кореяда 3500 мындай станциянын иштеп жатканын белгилешти.
Мындан тышкары, компания заряддык инфраструктураны башкаруу үчүн атайын программалык камсыздоону иштеп чыгууда. Тараптар Кыргыз Республикасынын энергетика министрлигине зарыл болгон кирүү ачкычтарын жана логиндерди өткөрүп берүү боюнча макулдашууга келишти.
Ошондой эле, күн энергия станцияларын куруу жана жаңылануучу энергия булактарын өнүктүрүү боюнча кызматташтыкты кеңейтүү мүмкүнчүлүктөрү талкууланды.
Кошумча маалымат:
2024-жылдын августунда «Чакан ГЭС» ААКсы менен «Blue Networks Co., Ltd.» ортосунда заряддык станцияларды биргелешип даярдоо жана пайдалануу боюнча өз ара түшүнүшүү Меморандуму кол коюлган.
2025-жылы Кыргызстанда заряддык станцияларды чогултуу, өндүрүү жана орнотуу боюнча өндүрүштүк ишкананы түзүү боюнча Рамочный келишимге кол коюлган.
Бул келишимдердин натыйжасында ОсОО «Рево Кей Джи» биргелешкен ишканасы негизделди, ал эми заряддык станцияларды чогултуу заводу 2026-жылдын апрель айында ишке киргизилери пландалууда.
