Кыргыз Республикасынын Билим берүү министрлиги кыргыз жана орус тилдеринде иш алып барган билим берүү мекемелери үчүн 7-класстын окуучулары үчүн «Табигый илимдер» боюнча жаңы окуу китебинин чыгарылгандыгын маалымдады.
Министрликтин маалыматына ылайык, китептин жалпы тиражы 144 965 дананы түзөт, анын 86 600 данасы кыргыз тилинде окуган мектептерге, 58 365 данасы орус тилинде окуган мектептерге арналган.
Окуу китептери өлкөнүн бардык аймактарына билим берүү мекемелерине бөлүштүрүлөт.
Окуу-методикалык комплекс учурдагы мамлекеттик билим берүү стандарттарына ылайык иштелип чыккан.
