Кыска биография:
Дурус Козуев 1967-жылдын 12-апрелинде туулган. Ал филология илимдеринин доктору, профессордун милдетин аткаруучу жана билим берүү отличниги.
Билим:
- 1985 – 1987 — СССРдин Куралдуу Күчтөрүндө кызмат өтөгөн, Чита, Россия.
- 1988 – 1993 — Кыргыз мамлекеттик улуттук университетинин роман-герман филологиясы факультетинде «филолог-германист, англис тили жана адабиятынын окутуучусу» адистигин алган.
- 1995 – 1998 — Кыргыз мамлекеттик улуттук университетинде аспирантура;
- 1999, май — Жогорку аттестациялык комиссиядан филология илимдеринин кандидаты дипломун алган;
- 2012, ноябрь — «Тил таануу» адистиги боюнча доцент наамын алган;
- 2023, июнь — Жогорку аттестациялык комиссиядан филология илимдеринин докторанты дипломун алган.
Кесиптик ишмердүүлүк:
- 1993 – 1995 — Кыргыз мамлекеттик улуттук университетинин чет тилдер кафедрасында англис тилин окутуучу-стажер;
- 1995 – 1998 — Кыргыз мамлекеттик улуттук университетинин аспирантурасында окууну уланткан;
- 1998 – 1999 — Кыргыз мамлекеттик педагогикалык университетинин англис тили кафедрасында жогорку окутуучу;
- 1998 – 2000 — Ошол эле университетте англис тили кафедрасынын башчысы;
- 2000 – 2001 — Кыргыз мамлекеттик педагогикалык университетинин филология факультетинин деканы;
- 2001 – 2006 — Бишкек гуманитардык университетинин эл аралык билим берүү борборунун директору;
- 2006 – 2015 — Бишкек гуманитардык университетинин европалык цивилизациялар факультетинин деканы;
- 2015 – 2025 — Бишкек мамлекеттик университетинин окуу иштери боюнча проректору;
- 2025 – 2026 — Кыргыз мамлекеттик университетинин окуу иштери боюнча проректору;
- 17.02.2026дан тартып — илим, жогорку билим берүү жана инновациялар министринин орун басары кызматын ээлейт.
