Иш-чаранын ачылышы салтанаттуу азем менен башталды, анда университеттин ректору, экономика илимдеринин доктору, профессор Абдилбает Мамасыдыков жана факультеттин деканы, физика-математика илимдеринин кандидаты, профессор Жумагүл Жээнтаева, окутуучулар жана студенттер менен биргеликте кызыл лентаны салтанаттуу түрдө кесишти, бул жаңыланган актовый залдын ачылышын символдошту.
Салтанаттуу сөзүндө ректор студенттер үчүн жаңы шарттарды түзүүнүн маанилүүлүгүн белгилеп, аларды бул окуя менен куттуктап, активдүү окууга жана заманбап талаптарга ылайык инициативалуу болууга чакырды.
Андан кийин факультеттин деканы Жумагүл Жээнтаева сөз сүйлөп, мындай фестивалдардын жаштар жана аялдар үчүн социалдык-экономикалык мүмкүнчүлүктөрдү кеңейтүүгө жардам берерин, алардын заманбап коомдогу актуалдуулугун баса белгиледи.
Фестивалдын программасынын алкагында конок лекциялар өтүп, төмөнкү маанилүү темалар талкууланды:
– «Open Osh» креативдик санарип платформасынын презентациясы;
– жаштардын туруктуу өнүгүү жана экотуризмдеги ролу;
– кыргыз мурасы менен илхамданган экологиялык таза кийимдер жана аксессуарларды түзүү.
«Дизайн» адистиги боюнча окуган студенттер фестивалда «Селен стиль» аттуу коллекция менен мода көргөзмөсүн сунушташты. Ошондой эле кол өнөрчүлүк буюмдарынын базары уюштурулуп, катышуучулар «кургак» жүндү валяние жана «курак» ыкмасы менен брошь түзүү боюнча мастер-класстарга катыша алышты.
Фестиваль студенттер жана коноктор үчүн креативдик долбоорлор, этнодизайн жана улуттук кол өнөрчүлүк жаатындагы иштеп чыгуулар менен таанышууга мүмкүнчүлүк берген маанилүү платформага айланды, ошондой эле жаштардын чыгармачылык инициативаларын колдоду.
