Бала бакча мурдагы «Кербен» мейманканасынын имаратында жайгашкан, ал мэриянын карамагына кайтарылган.
Учурдагы окуу жылына 146 бала үчүн квота каралган. Азыркы учурда бала бакча 4 топ менен иштеп жатат. Уюм жалпы 240 орунга эсептелген. Кийинчерээк балдар үчүн шарттарды жакшыртуу боюнча иштер улантылат.
Тurmush мурда 2025-жылдын 24-ноябрында Талас шаарынын жетекчилиги №1 бала бакча «Алтын Балалыкты» «Кербен» мейманканасына көчүрүү боюнча иштерди көзөмөлдөгөнүн жазган.
Мурда бала бакчанын иши анын мурдагы имараты авариялык деп таанылгандыктан токтотулган.
Ал убакта бала бакчаны жаңы имаратка жайгаштыруу боюнча оңдоп-түзөө иштер жүргүзүлүп жаткан. Шаар жетекчилиги оңдоону мүмкүн болушунча тез арада аяктоону тапшырган.
Мурда «Алтын Балалык» бала бакчасында 150 бала тарбияланган. Жаңы имаратта шарттар кеңейтилип, 200дөн ашык бала үчүн орундар түзүлөт деп күтүлүүдө.
