Балыкчыда англис тилин үйрөнүү борборун түзүү боюнча долбоор башталды, бул тууралуу Ысык-Көл облусунун Туризмди өнүктүрүү фондунын өкүлдөрү билдиришти.
Фонддон алынган маалыматка ылайык, долбоордун демилгечиси жергиликтүү ишкер болуп, ал Ысык-Көл облусунун өнүктүрүү фондуна колдоо сурап кайрылган. Идеяны байкоочу кеңеш карап чыгып, 2 миллион сом өлчөмүндө пайызсыз кредит берүү чечими кабыл алынды.
Фонддон алынган маалыматка ылайык, каражаттар жеңил конструкциялуу имараттын курулушуна, ошондой эле зарыл болгон жабдууларды жана окуу материалдарын сатып алууга жумшалган.
Борбор азыркы учурда иштеп жатат жана студенттер менен мектеп окуучуларын активдүү окутууда. Уюмдун негиздөөчүсү англис тилин билүү заманбап коомдун маанилүү талабына айланганын, жаңы мүмкүнчүлүктөрдү ачып, жумушка орноштуруу процессин жеңилдетерин белгиледи. ```
