31-январда Кыргызстандын борбору Бишкекте спорттук медицина жана медициналык реабилитация боюнча актуалдуу маселелерге арналган Эл аралык илимий-практикалык конференция өтөт.
Бул иш-чара Кыргыз футбол бирикмеси тарабынан "Мурек" реабилитациялык борбору менен өнөктөштүк түзүп уюштурулууда. Конференциянын негизги максаты спорттук медицина тармагындагы заманбап ыкмаларды алмашуу, клиникалык тажрыйбаны талкуулоо жана далилдүү медицина принциптери боюнча иш алып барган адистер арасында байланыштарды бекемдөө.
Чакырылган спикерлердин арасында Россия, Казакстан жана Кыргызстандан келген жетекчи адистер бар. Алардын арасында физикалык реабилитация, неврология, физиотерапия, спорттук медицина жана медициналык физкультура тармактарында эксперттер бар. Конференциянын катышуучулары спортчуларды жана ар кандай жаракаттар менен оорулары бар бейтаптарды калыбына келтирүү боюнча жаңы ыкмаларды талкуулоого мүмкүнчүлүк алышат.
Бул иш-чара дарыгерлер, реабилитологдор жана спорттук медицина адистери үчүн квалификацияны жогорулатуу жана практикалык билимдер менен алмашуу үчүн маанилүү платформа болуп калат.
Эскерте кетүүчү нерсе, "Мурек" реабилитациялык борбору — Кыргызстандагы биринчи спорттук медицина жана реабилитация боюнча адистешкен борбор болуп, 2026-жылы расмий түрдө ачылат. Борбор ар кандай оорулары жана жаракаттары бар бейтаптарды комплексдүү диагностикалоо, дарылоо жана реабилитациялоого багытталат.
